கிடா வெட்டி விருந்து வைத்த கம்பம் பள்ளத்தாக்கு விவசாயிகள்

செப்டம்பர் 11,2012

கம்பம்:தேனி மாவட்டம் கம்பம் பள்ளத்தாக்கு விவசாயிகள் சங்கம் சார்பில்,அங்குள்ள சாமாண்டியம்மன் கோயிலில் கிடா வெட்டி விருந்து நடந்தது. ஏராளமான விவசாயிகள் இதில் பங்கேற்றனர். தென்மேற்கு பருவமழை ஏமாற்றியதால், அணையின் நீர் மட்டம் உயரவில்லை. இதனால் கம்பம் பள்ளத்தாக்கில், 14 ஆயிரத்து 707 ஏக்கரில் நெல் சாகுபடி பாதிக்கப்படும் அபாயம் எழுந்தது. கம்பம் நகரில் மட்டும், ஊற்று நீரை பயன்படுத்தி நடவு மேற்கொண்டனர். தற்போது மழை பெய்து, அணையின் நீர் மட்டம் 120 அடிக்கு உயர்ந்ததால், கம்பம் பள்ளத்தாக்கில் முதல் போக நடவு மேற்காள்ளப்பட்டு வருகிறது.மழை தொடர்ந்து பெய்யவும், முதல் போக உற்பத்தி நன்றாக இருக்கவும், இறைவனை வேண்டி, கம்பம் விவசாயிகள் கிடா வெட்டி விருந்திற்கு ஏற்பாடு செய்தனர். ஆங்கூர்பாளையத்தில் உள்ள சாமாண்டியம்மன் கோயிலில், 5 ஆட்டு கிடாக்களை வெட்டி விருந்து வைத்தனர்.விவசாய சங்க தலைவர் ஓ.ஆர். நாராயணன், நீரினை பயன்படுத்துவோர் சங்க செயலாளர் ராமகிருஷ்ணன் உள்ளிட்ட ஏராளமானோர் பங்கேற்றனர்.

— Courtesy: Dinamalar – http://www.dinamalar.com/district_detail.asp?id=545264

Advertisements