Cumbum Valley News – 17th September

மேகமலை ரோட்டை புதுப்பிக்க அரசு உத்தரவு

Full Article: http://www.dinamalar.com/district_detail.asp?id=548696

—————————————————————————————————–

கம்பம் உழவர் சந்தையில் கிழக்கு “கேட்’ திறப்பு

Full Article: http://www.dinamalar.com/district_detail.asp?id=548692

—————————————————————————————————–

“ஆம்னி பஸ்’ கட்டணம் உயர்வு

Full Article: http://www.dinamalar.com/district_detail.asp?id=548688

—————————————————————————————————–

தமிழகத்தில் அழிந்து வரும் பறவை இனங்கள்

Full Article: http://www.dinakaran.com/District_Detail.asp?Nid=95306&cat=504

—————————————————————————————————–

தேக்கடிக்கு மீண்டும் பஸ் இயக்கப்படுமா? 25 ஆண்டு உரிமையை விட்டுக்கொடுத்த தமிழ்நாடு அரசு போக்குவரத்து கழகம்

Full Article: http://www.dinakaran.com/District_Detail.asp?Nid=95300&cat=504

—————————————————————————————————–

1 லிட்டருக்கு 7கி.மீ ஓட்ட வேண்டும் அதிகாரிகள் மிரட்டல்: டிரைவர்கள் தவிப்பு அடிக்கடி பழுதாகும் அரசு டவுன் பஸ்கள்

Full Article: http://www.dinakaran.com/District_Detail.asp?Nid=95299&cat=504

—————————————————————————————————–

பென்னிகுக் மணிமண்டப கட்டுமானப் பணிகள் தேனி கலெக்டர் நேரில் ஆய்வு

Full Article: http://www.dinakaran.com/District_Detail.asp?Nid=94794&cat=504

—————————————————————————————————–

குறுவை சாகுபடி பாதிப்பு விவசாயிகளுக்கு?ஏக்கருக்கு ரூ.10?ஆயிரம்?வழங்க?வேண்டும் கம்பம் எம்எல்ஏ கோரிக்கை

Full Article: http://www.dinakaran.com/District_Detail.asp?Nid=94791&cat=504

—————————————————————————————————–

கம்பத்தில் இருந்து சுருளி அருவிக்கு பஸ்கள் இயக்க மக்கள் வலியுறுத்தல்

Full Article: http://www.dinakaran.com/District_Detail.asp?Nid=94787&cat=504

—————————————————————————————————–

கூடலூர் வனப்பகுதியில் கள்ள துப்பாக்கியுடன் ஒருவர் கைது

Full Article: http://www.maalaimalar.com/2012/09/17122751/Koodalur-forest-fake-gun-one-a.html

—————————————————————————————————–

பருவமழை பொய்த்ததால் சண்முகா நதி அணை வறண்டது: விவசாயிகள் கவலை

Full Article: http://www.maalaimalar.com/2012/09/15221512/no-water-in-shanmuga-river-far.html

—————————————————————————————————–

நெற்பயிர்களை காக்க கம்பத்தில் இடிக்கி மூலம் பிடிக்கப்படும் எலிகள்

பதிவு செய்த நேரம்:2012-09-13 12:03:56

கம்பம், : கம்பம் பகுதியில் எலிகளிடமிருந்து நெற்பயிரை பாதுகாக்க விவசாயிகள் இடிக்கி வைத்து பிடிக்கும் முறையை கையாண்டு வருகின்றனர்.
கம்பம் பள்ளத்தாக்குப் பகுதியான கம்பம், கூடலூர், சுருளிப்பட்டி, காமயக்கவுண்டன்பட்டி உள்ளிட்ட பகுதிகளில் தற்போது முதல் போக நெல் நடவுப்பணி தொடங்கி களையெடுப்பு தொடங்கியுள்ளது. இந்நிலையில் இளம் நெற் பயிர்களை எலிகள் நாசம் செய்து வருவதால் பயிர்களின் வளர்ச்சி பாதிக்கப்படுகிறது. இதனால் விவசாயிகளுக்கு அதிகம் நஷ்டம் ஏற்படுகிறது. இதைத்தடுக்க விவசாயிகள் வயல் வெளிகளில் உள்ள எலிகளை இடிக்கி வைத்துப் பிடித்து வருகின்றனர். மூங்கிலால் செய்யப்பட்ட இடிக்கிகளை பயிர்களுக்கு நடுவே ஊன்றி வைக்கின்றனர். அதைச் சுற்றியும் அரிசி, நெல், நிலக்கடலை பருப்பு, தேங்காய் ஆகியவற்றை கலந்து முதல் நாள் இரவு வைத்து விடுகின்றனர். மறுநாள் பார்க்கும்போது வயல் வெளிக ளில் உள்ள எலிகள் அனைத் தும் இடிக்கியில் சிக்கிக் கொள்கிறது. இவ்வாறு எலிகளைப் பிடித்து அழிப்பதால் பயிர்கள் பாதுகாக்கப்படுகின்றன.
இது குறித்து எலி பிடிக்கும் தொழிலாளி பழனிச்சாமி கூறுகையில், “வயலில் ஆங்காங்கே இடிக்கி வைத்து எலி பிடித்தால் ஒரு எலிக்கு 15 ரூபாய் வீதம் விவசாயிகள் கூலியாகக் கொடுக்கின்றனர். இதன் மூலம் தினமும் ஒரு ஏக்கருக்கு 150 ரூபாய் வரை வருவாய் கிடைக்கிறது. நெற்பயிர்கள் மட்டுமன்றி கரும்பு, கேழ்வரகு உள்ளிட்ட பயிர்களுக்கும் இந்த இடிக்கியைப் பயன்படுத்தி எலிகள் தொல்லையிலிருந்து பாதுகாத்து வருகிறோம்“ என்றார்.

Courtesy: Dinakaran.com – http://www.dinakaran.com/District_Detail.asp?Nid=93680&cat=504

கேரளாவில் புடலைக்கு அதிக விலை கம்பம் விவசாயிகள் மகிழ்ச்சி

பதிவு செய்த நேரம்:2012-09-13 12:04:24

கம்பம், : கம்பம் பகுதிகளில் இருந்து கேரளாவிற்கு புடலை அதிகளவில் விற்பனைக்காக கொண்டு செல்லப்படுவதால் நல்ல விலை கிடைக்கிறது. இதனால் விவசாயிகள் மகிழ்ச்சி அடைந்துள்ளனர்.
கம்பம் அருகே உள்ள காமயகவுண்டன்பட்டி, நாராயணத்தேவன்பட்டி, சுருளிப்பட்டி, கருநாக்கமுத்தன்பட்டி, குள்ளப்பகவுண்டன்பட்டி உள்ளிட்ட கிராமங்களில் அதிகளவில் உயர் ரக புடலை விவசாயம் செய்யப்பட்டு வருகிறது. கடந்த 15 ஆண்டுக்கு மேலாக கருப்பு பன்னீர் திராட்சை பயிரிட்டு விவசாயம் செய்து வந்தனர். திராட்சை விவசாயம் ஓய்ந்ததால், திராட்சைக்காக அமைக்கப்பட்ட பந்தலில் பாவை, கோவை, புடலை உள்ளிட்ட காய்கறிகள் விவசாயத்தில் ஈடுபட்டு வருகின்றனர்.
புடலங்காய் நடவு செய்யப்பட்டு 25 நாட்களில் கொடிகள் படர்ந்து பலன் கொடுக்க ஆரம்பிக்கிறது. அதன்பிறகு வாரம் தோறும் ஏக்கருக்கு சுமார் 2 டன் வரை காய் பறிக்கப்படுகிறது. இதனை விற்பனைக்காக அதிகளவு கேரளாவிற்கும், உள்ளூர் சந்தைகளுக்கும் அனுப்பப்பட்டு வருகிறது. புடலங்காய் 90 நாட்கள் வரை பலன் கொடுக்கிறது. போதிய விலை கிடைப்பதால் இப்பகுதி விவசாயிகள் புடலை பயிரிட அதிகளவு ஆர்வம் காட்டி வருகின்றனர்.
இதுகுறித்து விவசாயிகள் கூறுகையில், ‘உயர்ரக புடலை செடிகளில் உள்ள காய்கள் விவசாயிகள் தங்கள் வசதிக்கேற்ப பறித்து கொள்ளலாம்.
சில சமயங்களில் போதிய விலை இல்லாத நேரங்களில் சில நாட்கள் பறிக்காமல் விட்டு விட்டு, விலை அதிகரிக்கும்போது பறித்து விற்பனைக்கு கொண்டு செல்லலாம். இதனால் காய்களுக்கு எவ்வித பாதிப்பும் கிடையாது. தற்போது கிலோ 15 ரூபாய் வரை விற்பனை செய்யப்படுவதால் விவசாயிகளுக்கு போதிய வருவாய் கிடைக்கிறது. இதனால் பெரும்பாலான விவசாயிகள் திராட்சை விவசாயம் ஓய்ந்த நிலையில் புடலை விவசாயத்தில் ஈடுபட்டு வருகிறோம்’ என்றார்.

Courtesy: Dinakaran.com – http://www.dinakaran.com/District_Detail.asp?Nid=93685&cat=504

தேனியை வறட்சி மாவட்டமாக அறிவிக்க வேண்டும்

பதிவு செய்த நேரம்:2012-09-13 12:05:16

தேவாரம், : தேனி மாவட்டத்தை வறட்சி பாதித்த மாவட்டமாக அறிவித்து விவசாயிகளுக்கு இழப்பீடு வழங்கிட வேண் டும் என்று பதினெட்டாம் கால்வாய் விவசாயிகள் சங்கம் சார்பில் கோரிக்கை மனு அளிக்கப்பட்டுள்ளது.
பதினெட்டாம் கால் வாய் விவசாயிகள் சங்கம் ஆலோசனைக்கூட்டம், கோம்பையில்  நடந்தது. கூட்டத்திற்கு தலைவர் ராமராஜ் தலைமை தாங் கினர். செயலாளர் திருப்பதிவாசகன் முன்னிலை வகித்தார். துணைத்தலைவர்கள் காளிமுத்து, தங்க ராஜ், சலேத்து உள்ளிட்ட பலரும் கலந்து கொண்ட னர்.
கூட்டத்தில் நிறைவேற்றப்பட்ட தீர்மானங்கள், தேனி மாவட்டம் முழுக்க விவசாயம் சார்ந்த மாவட்ட மாக உள்ளது. கம்பம் பள்ளதாக்கில் முதல்போகம் பாதிக்கப்பட்டுள்ளது. தேவாரம், பண்ணைப்புரம், கோம்பை உள்ளிட்ட பகுதிகளில் உள்ள சுமார் 6 ஆயிரம் ஏக்கர் நிலங்களில் காய்கறி, தென்னை உள் ளிட்ட விவசாயம் பாதிக்கப்பட்டுள்ளது. இதனால் விவசாயிகளுக்கு பெரும் நஷ்டம் ஏற்பட்டுள்ளது. விவசாயக்கூலித்தொழிலாளர்கள் வேலையின்றி தவிக்கின்றனர்.
எனவே இம்மாவட்டத் தை தமிழக அரசு வறட்சி பாதித்த மாவட்டமாக அறிவித்து விவசாயிகளுக் கும், கூலித்தொழிலாளர்களுக்கும் இழப்பீடு தொகை யினை வழங்கிட உடனடியாக நடவடிக்கை எடுக்க வேண்டும் என்பது உள் ளிட்ட தீர்மானங்கள் நிறைவேற்றப்பட்டன. இதில் சங்க நிர்வாகிகள் கலந்து கொண்டனர்.

Courtesy: Dinakaran.com – http://www.dinakaran.com/District_Detail.asp?Nid=93693&cat=504

ஹைவேவிஸ் ரோடு – விபத்துக்களில், 38 பேர் உயிரிழந்துள்ளனர்

செப்டம்பர் 13,2012,01:51 IST

சின்னமனூர்:சின்னமனூரிலிருந்து ஹைவேவிஸ் மலை வரையிலான 58 கி.மீ., ரோடு 1996 க்கு பின் பயன்படுத்த முடியாத அளவிற்கு சேதமடைந்தது. கடந்த 16 ஆண்டுகளாக இதே நிலையில் நீடித்து, தற்போது மிகவும் பரிதாபகரமாக, துண்டிப்பாகும் நிலையில் உள்ளது. ரோட்டின் மோசமான நிலையால் ஏற்பட்ட விபத்துக்களில், 38 பேர் உயிரிழந்துள்ளனர். தனியார் கட்டுப்பாட்டில் உள்ள இந்த ரோட்டின் நிலையை, எந்த அரசும் கண்டுகொள்வதில்லை. இம்மக்களின் தொடர் முயற்சியால், மூன்று ஆண்டுகளுக்கு முன் அப்போதைய மாவட்ட நிர்வாகம், ரோடு அமைக்கும் விவகாரத்தில் தடையாக இருந்த எஸ்டேட் நிர்வாகத்திற்கு கடிவாளம் போட்டு, ரோட்டை அரசு வசம் ஒப்படைக்க வைத்தது. பின்னர் பல்வேறு இழுபறிகள் ஏற்பட்டு, இறுதியாக மாநில நெடுஞ்சாலை வசம் ஒப்படைக்கப்பட்டது. ரோடு அமைப்பதற்கான ஆக்கபூர்வமான நடவடிக்கைகள் எதுவும் மேற்கொள்ளப்படவில்லை. ஆண்டுதோறும் இங்கு கோடை விழா நடத்தி, அப்போது மட்டும் “ரோடு புதிதாக அமைத்து சுற்றுலாத் தலமாக்கப்படும்’ என அறிவிப்பை மட்டும் அதிகாரிகள் வெளியிட்டு செல்வது வழக்கமாகி விட்டது. பல ஆண்டுகால இம்மக்களின் கோரிக்கை கிணற்றில் போட்ட கல்லாக கிடப்பில் போடப்பட்டது. இந்நிலையில், 25 வது முறையாக செப்டம்பர் 15ல், இம்மலையின் தேயிலை தோட்ட தொழிலாளர்கள் ஒரு நாள் அடையாள வேலை நிறுத்த போராட்டம் அறிவித்துள்ளனர். 24 முதல் தொடர் உண்ணாவிரதமும், அக்டோபர் 2 ல் வாக்காளர் அடையாள அட்டையை ஒப்படைக்கும் போராட்டமும் நடைபெறும், என அப்பகுதி தேயிலை தோட்ட தொழிலாளர்களும், பொதுமக்களும் அறிவித்துள்ளனர்.

Courtesy: Dinamalar.com – http://www.dinamalar.com/district_detail.asp?id=546353

அபாயம்காட்டு ஓடைகளில் மணல் கொள்ளை மானாவாரி பயிர் சாகுபடி பாதிக்கும்

செப்டம்பர் 13,2012,01:51 IST

கம்பம்:கம்பம் மலையடிவாரங்களில் உள்ள காட்டு ஓடைகளில், மணல் கொள்ளை அதிகளவில் நடப்பதால் மானாவாரி காடுகளில்,விவசாயம் பாதிக்கும் அபாயம் ஏற்பட்டுள்ளது. தமிழகம் முழுவதும் மணல் கொள்ளை கும்பலின் நடவடிக்கைகள் அதிகரித்து வருகின்றன. தேனி மாவட்டத்தில் பல பகுதிகளில் மணல் கொள்ளை நடந்த போதும், கம்பத்தில் மணல் கொள்ளை அனுமதிக்கப்பட்டதை போல நடந்து வருகிறது. முல்லையாற்றில் இரவு பகலாக 24 மணி நேரமும் மணல் அள்ளப்படுகிறது. செங்கல் சூளைகளுக்கு மண் அள்ள அனுமதிக்கப்பட்ட காடுகளில், கனிமவளத்துறையின் நிபந்தனைகள் பின்பற்றப்படவில்லை.இதனால் சுற்றுச் சூழல் மாசுபடும் நிலை உள்ளது. மலையடிவாரங்களில் உள்ள காட்டு ஓடைகளில் மணல் கொள்ளையை வருவாய்த்துறை அனுமதிக்கிறது. ஜேசிபி இயந்திரங்களை கொண்டு, தினசரி நூற்றுக்கணக்கான லோடு மண் கடத்தப்படுகிறது. மணிகட்டி ஆலமரம், ஆட்டுக்காரன்மொட்டை பகுதியில் உள்ள காட்டு ஓடையில் ஜேசிபி இயந்திரங்கள் மூலம் மண் அள்ளப்படுகிறது. 200 அடிக்கும் கீழ் ஆழமாக தோண்டப்பட்டு விட்டது. இதனால் மானாவாரி காடுகளில் சாகுபடி பாதிக்கும் நிலை உருவாகியுள்ளது. நிலத்தடி நீர்மட்டம் குறைந்து விடும். நடவடிக்கை எடுக்க வேண்டிய வருவாய்த்துறை அதிகாரிகள், மணல் கொள்ளைக்கு அனுமதி வழங்கி வேடிக்கை பார்த்து வருகின்றனர். பெயருக்கு ஒன்றிரண்டு டிராக்டர்களை பிடிப்பதும், அதற்கு அபராதம் விதிப்பதும் வாடிக்கையாக உள்ளது.

Courtesy: Dinamalar.com – http://www.dinamalar.com/district_detail.asp?id=546350

கூட்டுறவு சங்கங்களில் உரம் வாங்கும்சிறு விவசாயிகள் அலைக்கழிப்பு

செப்டம்பர் 13,2012,01:51 IST

கம்பம்:தொடக்க கூட்டுறவு விவசாய வங்கிகளில், விவசாயிகள் உரம் வாங்க செல்லும் போது, அதிகாரிகள் கேட்கும் ஆவணங்களை சேகரித்து தர முடியாமல்,விவசாயிகள் அவதிப்படுகின்றனர். முல்லைப் பெரியாறு அணையின் நீர் மட்டம் இப்போது 119 அடியாக உயர்ந்துள்ளதால், விவசாயிகள் அனைவரும் முதல் போக சாகுபடிக்கான பணிகளை துவக்கியுள்ளனர். பல விவசாயிகள் ஒரு மாதத்திற்கு முன்பே நடவு பணிகளை முடித்துவிட்டனர்.இதனால் விவசாயிகளுக்கு யூரியா மற்றும் பொட்டாஷ் உரங்கள் தேவைப்படுகிறது. கடைகளில் உரங்கள் கிடைக்கவில்லை. வழக்கம் போல தொடக்க விவசாய கூட்டுறவு வங்கிகளில் யூரியா மற்றும் பொட்டாஷ் உரங்கள் விற்பனைக்கு வைத்துள்ளனர். உரங்கள் கேட்கப்போகும் “பெரிய’ விவசாயிகளுக்கு பிரச்னை இல்லை. அவர்கள் ஆவணங்கள் கொடுத்தாலும், கொடுக்காவிட்டாலும் உரங்கள் வழங்கப்படும். சிறிய விவசாயிகள் சென்று, கேட்டால், சிட்டா அடங்கங்கல், பட்டா, பத்திரம் ஜெராக்ஸ் என பல ஆவணங்களை கேட்கின்றனர். ஒத்தி வாங்கியிருந்தாலும், அந்த பத்திரங்களின் ஜெராக்ஸ் தரும்படி வலியுறுத்துகின்றனர். பொதுவாக கிராமங்களில் வாய்மொழியாக பேசி, வயல்களை உழவு செய்வார்கள். அவ்வாறு செய்யும் விவசாயிகளுக்கு ஆவணங்கள் வழங்க முடியாது. சொசைட்டிகளில் ஆவணங்கள் இல்லாமல் உரம் வழங்க மறுக்கின்றனர்.இதனால் பெரும்பாலான விவசாயிகள், கூட்டுறவு சங்கங்களில் உரம் வாங்குவதை தவிர்க்கின்றனர். கூட்டுறவு சங்க அதிகாரிகளோ இதை பயன்படுத்தி உரங்களை வேண்டியவர்களுக்கு தாரளமாக “வழங்கி’ வருகின்றனர்.

Courtesy: Dinamalar.com – http://www.dinamalar.com/district_detail.asp?id=546356